ഒഴിഞ്ഞവളപ്പ് (പി.ഒ) ,കാഞ്ഞങ്ങാട് നഗരസഭ ,കാസർഗോഡ് ജില്ല. ഫോണ് : 04672460720
welcome to school diary
Wednesday 25 December 2013
കുഞ്ഞുങ്ങൾക്ക് അനുമോദനവുമായി ക്രിസ്മസ് അപ്പൂപ്പൻ ക്ലാസ്സ് മുറിയിൽ!
Saturday 14 December 2013
ഉപജില്ലാതല മേളകളിൽ പൂർണ പങ്കാളിത്തം ..കൊച്ചു കൊച്ചു നേട്ടങ്ങൾ
ഈ വർഷത്തെ ഉപജില്ലാതല മേളകൾ പൂർത്തിയാകുമ്പോൾ ഞങ്ങൾ സംതൃപ്തരാണ്.എല്ലാ മേളകളിലും പൂർണ പങ്കാളിത്തം ഉറപ്പിക്കാനും ഒപ്പം കൊച്ചു കൊച്ചു നേട്ടങ്ങൾ കൈവരിക്കാനും ഞങ്ങൾക്കായി.ഉപജില്ലാ കായികമേളയിൽ എല്.പി. കിഡ്ഡീസ് വിഭാഗം 50 മീറ്റർ ഓട്ടത്തിൽ നാലാം ക്ലാസ്സുകാരനായ മുനവിറിനു ലഭിച്ച ഒന്നാം സ്ഥാനം ഞങ്ങൾക്ക് ആവേശമായി.
തൊട്ടടുത്ത ദിവസം തന്നെ സ്കൂൾ അസംബ്ലിയിൽ വെച്ച് ഈ കൊച്ചു മിടുക്കനെ അഭിനന്ദിക്കുകയുണ്ടായി...കായികാധ്യാപന്റെ സേവനമോ മികച്ച പരിശീലനമോ ഒന്നുമില്ലാതെയാണ് ഈ നേട്ടം എന്ന് ഓർക്കണം...
മുനവിറിനുപുറമേ കായികമേളയിൽ പങ്കെടുത്ത മിക്ക കുട്ടികളും സെമിഫൈനൽ വരെ എത്തുകയുണ്ടായി.ഒന്നുകൂടി ഉത്സാഹിച്ചിരുന്നെങ്കിൽ ഒന്ന് രണ്ടു സമ്മാനങ്ങൾ കൂടി കിട്ടിയേനെ എന്ന് ഇപ്പോൾ തോന്നുന്നു..ഇനി ഏതായാലും അടുത്തകൊല്ലം ആവട്ടെ..
......ഉപജില്ലാതല ശാസ്ത്രോൽസവത്തിൽ ശാസ്ത്ര-സാമൂഹ്യശാസ്ത്രമേളകളിലും മികച്ച നേട്ടം കൈവരിക്കാൻ ഞങ്ങളുടെ കുഞ്ഞുങ്ങൾക്കായി.ശാസ്ത്രമേളയിൽ ചാർട്ട് വിഭാഗത്തിൽ നന്ദനയും ഫർസാനയും 'എ' ഗ്രേഡോടെ മൂന്നാം സ്ഥാനം നേടി.27 വിദ്യാലയങ്ങൾ പങ്കെടുത്ത ശാസ്ത്ര മേളയിൽ ചാർട്ടിനു പുറമേ ലഘു പരീക്ഷണത്തിനു ലഭിച്ച 'സി' ഗ്രേഡ് ഉൾപ്പെടെ മൊത്തം 7 പോയിന്റ് നേടിക്കൊണ്ട് ഒമ്പതാം സ്ഥാനത്തായിരുന്നു ഞങ്ങളുടെ ഈ കൊച്ചു വിദ്യാലയം.
..സാമൂഹ്യ ശാസ്ത്ര മേളയിൽ ചാർട്ടിനു ലഭിച്ച 'ബി' ഗ്രേഡിന്റെ പിൻബലത്തിൽ ഈ മേളയിൽ പങ്കെടുത്ത 31 വിദ്യാലയങ്ങളുടെ കൂട്ടത്തിൽ പന്ത്രണ്ടാം സ്ഥാനത്തെത്താനും ഞങ്ങൾക്കു സാധിച്ചു.
..ഗണിത മേളയിൽ പസിൽ ഇനത്തിൽ 'സി' ഗ്രേഡ് കിട്ടിയതും തുടക്കം എന്ന നിലയിൽ ഒട്ടും മോശമല്ല.പ്രവൃത്തി പരിചയ മേളയിൽ കൂടുതൽ ഇനങ്ങളിൽ പങ്കെടുക്കാൻ ഈ വർഷം സാധിച്ചില്ല പങ്കെടുത്ത ബുക്ക് ബൈന്റിങ്ങിൽ 'സി' ഗ്രേഡ് മാത്രമാണു ലഭിച്ചത്.വെജിറ്റബിൾ പ്രിന്റിംഗ് ഇനത്തിൽ പങ്കെടുക്കാൻ നന്നായി പ്രാക്ടീസ് ചെയ്ത കുട്ടിക്കു അസുഖം കാരണം പങ്കെടുക്കാൻ സാധിച്ചതുമില്ല. കടലോരരത്തുള്ള ഞങ്ങളുടെ വിദ്യാലയത്തിൽ നിന്നും വളരെ അകലെ മലയോരത്തുള്ള തായന്നൂർ ഗവ: ഹയർ സെക്കന്ററി സ്കൂളിലാണ് മേള നടന്നത്.അതുകൊണ്ടു കൂടിയാണു കൂടുതൽ ഇനങ്ങളിൽ പങ്കെടുക്കാതിരുന്നത്.
..ഉപജില്ലാ സ്കൂൾ കലോത്സവം ഞങ്ങളുടെ തൊട്ടടുത്തുള്ള മരക്കാപ്പ് ഗവ:ഹൈസ്കൂളിൽ വെച്ച് നടത്താൻ തീരുമാനിച്ചപ്പോൾത്തന്നെ ഞങ്ങൾ ഉറപ്പിച്ചു...എന്തായാലും ഇവിടെ പരമാവധി ഇനങ്ങളിൽ മത്സരിക്കണം.അതനുസരിച്ച് 9 വ്യക്തിഗത ഇനങ്ങളിലും 2 ഗ്രൂപ്പ് ഇനങ്ങളിലും മത്സരിക്കാൻ കുട്ടികളെ പരിശീലിപ്പിക്കാൻ ഞങ്ങൾ തീരുമാനിച്ചു.കൂടാതെ അറബിക് കലോത്സവത്തിലും എല്ലാ ഇനങ്ങളിലും കുട്ടികളെ പങ്കെടുപ്പിക്കാനും ധാരണയായി.
.......അധ്യാപകർ തന്നെയായിരുന്നു പരിശീലകർ.ക്ലാസ് സമയത്തിന്റെ ഇടവേളകളിലും 4 മണിക്ക് സ്കൂൾ വിട്ടതിനു ശേഷവുമായിരുന്നു പരിശീലനം...പരിശീലനത്തിനൊടുവിൽ സ്കൂൾ ബാലസഭയിൽ കൂട്ടുകാരുടെ മുപിൽ പരിപാടികൾ അവതരിപ്പിക്കാൻ കുട്ടികൾക്ക് അവസരം നൽകുകയും ചെയ്തു.അതുകൊണ്ടു തന്നെ സ്റ്റേജിൽ അവതരിപ്പിക്കുമ്പോൾ ഉണ്ടാകുന്ന പേടി ഒഴിവാക്കാനായി.
...അറബിക് കലോത്സവത്തിൽ 2 വർഷങ്ങൾക്കു മുമ്പ് ലഭിച്ച ചാമ്പ്യൻഷിപ്പ് തിരിച്ചു പിടിക്കാൻ കഴിയണമെന്നായിരുന്നു ഞങ്ങളുടെ ആഗ്രഹം.അന്ന് ഉണ്ടായിരുന്നത്രയും കുട്ടികൾ ഇപ്പോൾ സ്കൂളിൽ ഇല്ലെന്നതുകൊണ്ടു തന്നെ തെരഞ്ഞെടുപ്പ് ഒരു പ്രശ്നം തന്നെയായിരുന്നു.ഒരുവിധം പറ്റുന്ന കുട്ടികളെക്കണ്ട് പരിശീലനം ആരംഭിച്ചപ്പോൾ അവരെ ഇത്തരം പരിപാടികൾക്ക് വിടാൻ ചില രക്ഷിതാക്കൾക്ക് താൽപ്പര്യമില്ല!പകരം കുട്ടികളെ കണ്ടെത്തി പരിശീലനം വീണ്ടും തുടങ്ങിയപ്പോഴേക്കും സമയം കിട്ടാത്ത പ്രശ്നം ഉണ്ടായി..എങ്കിലും അറബിക് കലോത്സവത്തിൽ മത്സരിച്ച 6 ഇനങ്ങളിൽ എ ഗേഡും,2 ഇനങ്ങളിൽ ബി ഗ്രേഡും,1 ഇനത്തിൽ സി ഗ്രേഡും ഉൾപ്പെടെ ആകെ 37 പോയിന്റുകളുമായി നാലാം സ്ഥാനത്തെത്താൻ ഞങ്ങളുടെ കുട്ടികൾക്കായി.
..കലോത്സവ ഇനങ്ങളിൽ സംഘഗാനത്തിൽ എ ഗ്രേഡോടെ മൂന്നാം സ്ഥാനവും മാപ്പിളപ്പാട്ട്,അറബിക് പദ്യം ചൊല്ലൽ എന്നീ ഇനങ്ങളിൽ എ ഗ്രേഡും,ദേശഭക്തിഗാനം,മലയാളം പദ്യം ചൊല്ലൽ,മലയാളം പ്രസംഗം,ചിത്രരചന(പെൻസിൽ) എന്നീ ഇനങ്ങളിൽ ബി.ഗ്രേഡും,കഥ പറയൽ,നാടോടി നൃത്തം എന്നിവയിൽ സി ഗ്രേഡും നേടിക്കൊണ്ട് ആകെ 29 പോയിന്റുകളുമായി 62 വിദ്യാലയങ്ങൾ പങ്കെടുത്ത കലോത്സവത്തിൽ പന്ത്രണ്ടാം സ്ഥാന ത്തെത്താൻ കഴിഞ്ഞത് അഭിമാനാർഹമായ നേട്ടം തന്നെയാണ്. വിജയികൾക്കെല്ലാം തന്നെ സ്കൂൾ അസംബ്ലിയിൽ വെച്ച് സർട്ടിഫിക്കറ്റുകൾ നല്കി അനുമോദിക്കുകയും ചെയ്തു. ഈ വർഷത്തെ ഉപജില്ലാതലമേളകളിൽ പങ്കെടുത്ത് മികച്ച പ്രകടനം കാഴ്ച വെച്ച മുഴുവൻ കുട്ടികൾക്കും ഉപഹാരം നല്കി ആദരിക്കാൻ പി.ടി.എ കമ്മറ്റിയും തീരുമാനിച്ചിട്ടുണ്ട്.
Wednesday 2 October 2013
''മഹാത്മഗാന്ധിയെ കണ്ടിട്ടില്ല നമ്മളാരും, പക്ഷെ......''
ഗാന്ധിജയന്തി ദിനത്തിൽ രാവിലെ 9.30 നു തന്നെ മുഴുവൻ കുട്ടികളും അധ്യാപകരും സ്കൂളിൽ എത്തി.ഗാന്ധിജിയുടെ ഫോട്ടോയിൽ പുഷ്പാർച്ചന നടത്താനുള്ള തയ്യാറെടുപ്പുകൾ സുരേഷ് മാഷ് മുൻകൂട്ടി നടത്തിയിരുന്നു.വിവിധ ക്ലാസ്സുകളിലെ കുട്ടികൾ ശേഖരിച്ച വിഭവങ്ങൾ ഉൾക്കൊള്ളിച്ചുകൊണ്ടുള്ള ഗാന്ധി പതിപ്പും മാഷ് തന്നെ തയ്യാറാക്കി വെച്ചു....10 മണിക്ക്
അസംബ്ലി തുടങ്ങി.നല്ല വെയിൽ ആയതിനാൽ ഹാളിൽ വെച്ചു തന്നെയായിരുന്നു അസംബ്ലി.പതിവുപരിപാടികലായ പ്രാര്തനയ്ക്കും പ്രതിജ്ഞയ്ക്കും ശേഷം ഒന്നാം ക്ലാസ്സിലെ കുട്ടികൾ ഗാന്ധിജിയുടെ ഫോട്ടോയ്ക്ക് മുന്നിൽ പുഷ്പാർച്ചന നടത്തി..തുടർന്ന് മറ്റു ക്ലാസ്സുകളിലെ കുട്ടികളും പുഷ്പാര്ച്ചനയ്ക്കായി മുന്നോട്ടു വന്നപ്പോൾ അവര്ക്കും അവസരം നൽകി.
...പ്രധാനാധ്യാപകൻ എന്ന നിലയിൽ ഗാന്ധിജിയെക്കുറിച്ച് ചില കാര്യങ്ങൾ ഞാൻ കുട്ടികളോട് സംസാരിച്ചു.മുമ്പ് കേട്ട ഒരു കവിതയിലൂടെ ഗാന്ധിജിയുടെ ചിത്രം കുട്ടികള്ക്ക് പരിചയപ്പെടുത്തി.
''മഹാത്മഗാന്ധിയെ കണ്ടിട്ടില്ല
നമ്മളാരും...പക്ഷെ,
മനസ്സിനുള്ളിൽ കുടിപാർക്കുന്നു-
ണ്ടദ്ദേഹത്തിൻ രൂപം....
മുട്ടു മറഞ്ഞീടാത്തൊരു മുണ്ടും,
മൂക്കിനു മീതെ കണ്ണടയും...
ഖദരു പുതച്ച്,വടിയും കുത്തി,
ചിരിച്ചു നിൽപ്പൂ ബാപ്പുജീ...''
.......പതിപ്പിലെ ചിത്രത്തിൽ നോക്കി ഈ ചിത്രം കുട്ടികൾ തിരിച്ചറിഞ്ഞു.കവിത ഒരു വട്ടം കൂടി പാടിയപ്പോൾ കുട്ടികളുടെ മനസ്സിൽ ഗാന്ധിജിയുടെ രൂപം ശരിക്കും കുടി പാർത്തി ട്ടുണ്ടാകും ... ആവേശത്തോടു കൂടി ഈ കവിത അവർ എറ്റു ചൊല്ലി.
കുട്ടികളുടെ ഊഴമായിരുന്നു അടുത്തത്.സ്കൂൾ ലീഡർ നന്ദനയുടെ വക ഗാന്ധിജിയെക്കുറിച്ച് ഒരു ലഘു പ്രസംഗം.. ഗാന്ധിപ്പാട്ടുകളുമായി
വേറെയും കുട്ടികൾ എത്തി..
....പിന്നീട് ഗാന്ധിജിയുടെ ആത്മ കഥ കുട്ടികൾക്ക് പരിചയപ്പെടുത്തിക്കൊടുത്തു. അതിൽനിന്നും ചില ഭാഗങ്ങൾ വായിച്ചു കേൾപ്പിച്ചു. ഗാന്ധിജിയുടെ ജീവിതത്തിൽ നിന്നും നാം പഠിക്കേണ്ട സവിശേഷ ഗുണങ്ങളെക്കുറിച്ച് കുട്ടികളെ ബോധവാന്മാരാക്കാൻ ഇതുവഴി സാധിച്ചു.
......മധുരം വിതരണം ചെയ്തുകൊണ്ട് 12 മണിയാകുമ്പോഴേക്കും പരിപാടികൾ അവസാനിപ്പിച്ചു.ഇന്നു പറഞ്ഞ കാര്യങ്ങളെല്ലാം ഉൾക്കൊള്ളിച്ച് നാളെ നടത്തുന്ന ഗാന്ധി ക്വിസ്സിൽ പങ്കെടുക്കണമെന്ന തീരുമാനത്തോറെയാണ് കുട്ടികൾ വീട്ടിലേക്കു പോയത്.....
അസംബ്ലി തുടങ്ങി.നല്ല വെയിൽ ആയതിനാൽ ഹാളിൽ വെച്ചു തന്നെയായിരുന്നു അസംബ്ലി.പതിവുപരിപാടികലായ പ്രാര്തനയ്ക്കും പ്രതിജ്ഞയ്ക്കും ശേഷം ഒന്നാം ക്ലാസ്സിലെ കുട്ടികൾ ഗാന്ധിജിയുടെ ഫോട്ടോയ്ക്ക് മുന്നിൽ പുഷ്പാർച്ചന നടത്തി..തുടർന്ന് മറ്റു ക്ലാസ്സുകളിലെ കുട്ടികളും പുഷ്പാര്ച്ചനയ്ക്കായി മുന്നോട്ടു വന്നപ്പോൾ അവര്ക്കും അവസരം നൽകി.
''മഹാത്മഗാന്ധിയെ കണ്ടിട്ടില്ല
നമ്മളാരും...പക്ഷെ,
മനസ്സിനുള്ളിൽ കുടിപാർക്കുന്നു-
ണ്ടദ്ദേഹത്തിൻ രൂപം....
മുട്ടു മറഞ്ഞീടാത്തൊരു മുണ്ടും,
മൂക്കിനു മീതെ കണ്ണടയും...
ഖദരു പുതച്ച്,വടിയും കുത്തി,
ചിരിച്ചു നിൽപ്പൂ ബാപ്പുജീ...''
.......പതിപ്പിലെ ചിത്രത്തിൽ നോക്കി ഈ ചിത്രം കുട്ടികൾ തിരിച്ചറിഞ്ഞു.കവിത ഒരു വട്ടം കൂടി പാടിയപ്പോൾ കുട്ടികളുടെ മനസ്സിൽ ഗാന്ധിജിയുടെ രൂപം ശരിക്കും കുടി പാർത്തി ട്ടുണ്ടാകും ... ആവേശത്തോടു കൂടി ഈ കവിത അവർ എറ്റു ചൊല്ലി.
കുട്ടികളുടെ ഊഴമായിരുന്നു അടുത്തത്.സ്കൂൾ ലീഡർ നന്ദനയുടെ വക ഗാന്ധിജിയെക്കുറിച്ച് ഒരു ലഘു പ്രസംഗം.. ഗാന്ധിപ്പാട്ടുകളുമായി
വേറെയും കുട്ടികൾ എത്തി..
....പിന്നീട് ഗാന്ധിജിയുടെ ആത്മ കഥ കുട്ടികൾക്ക് പരിചയപ്പെടുത്തിക്കൊടുത്തു. അതിൽനിന്നും ചില ഭാഗങ്ങൾ വായിച്ചു കേൾപ്പിച്ചു. ഗാന്ധിജിയുടെ ജീവിതത്തിൽ നിന്നും നാം പഠിക്കേണ്ട സവിശേഷ ഗുണങ്ങളെക്കുറിച്ച് കുട്ടികളെ ബോധവാന്മാരാക്കാൻ ഇതുവഴി സാധിച്ചു.
......മധുരം വിതരണം ചെയ്തുകൊണ്ട് 12 മണിയാകുമ്പോഴേക്കും പരിപാടികൾ അവസാനിപ്പിച്ചു.ഇന്നു പറഞ്ഞ കാര്യങ്ങളെല്ലാം ഉൾക്കൊള്ളിച്ച് നാളെ നടത്തുന്ന ഗാന്ധി ക്വിസ്സിൽ പങ്കെടുക്കണമെന്ന തീരുമാനത്തോറെയാണ് കുട്ടികൾ വീട്ടിലേക്കു പോയത്.....
Subscribe to:
Posts (Atom)