‘സാക്ഷരം’ ഉൽഘാടകയായി ഒന്നാം ക്ളാസ്സിലെ ഇഷ്റ......

 പുഞ്ചാവി:മൂന്നാം ക്ളാസ്സിലെയും നാലാം ക്ളാസ്സിലെയും ചേച്ചിമാരെയും   ചേട്ടന്മാരെയും  സാക്ഷരരാക്കാനുള്ള പരിപാടിയുടെ ഉൽഘാടകയായത് ഒന്നാം തരത്തിലെ കൊച്ചുമിടുക്കി ഇഷ്റ! സഹപാഠികളെയും,അധ്യാപകരെയും രക്ഷിതാക്കളെയും സാക്ഷി നിർത്തി വൈറ്റ്ബോർഡിൽ  കറുത്ത മാർക്കർ കൊണ്ട് നിഷ്പ്രയാസം ‘സാക്ഷരം‘ എന്നെഴുതിയാണ് ഇഷ്റ ഉൽഘാടനകർമ്മം നിർവഹിച്ചത്.പുഞ്ചാവി ഗവ:എൽ.പി.സ്കൂളിൽ നടന്ന വേറിട്ട രീതിയിലുള്ള ഈ ഉൽഘാടം രക്ഷിതാക്കൾക്ക് ഏറെ ഇഷ്ടമായി. പി.ടി.എ പ്രസിഡണ്ട് പി.ശശി ചടങ്ങിൽ അധ്യക്ഷത വഹിച്ചു.പ്രധാനാധ്യാപകൻ കെ. നാരായണൻ പരിപാടി വിശദീകരിച്ചു.പി.ടി.എ കമ്മറ്റിയംഗം അബൂബക്കർ മൌലവി ആശംസ അർപ്പിച്ച് സംസാരിച്ചി.എസ്.ആർ.ജി.കൺ വീനർ കെ.എൻ.സുരേഷ് സ്വാഗതവും സീനിയർ അസിസ്റ്റന്റ് പരമേശ്വരി നന്ദിയും പറഞ്ഞു.കാസർഗോഡ് ഡയറ്റ് തയ്യാറാക്കി നൽകിയ ചോദ്യാവലി ഉപയോഗിച്ച് നടത്തിയ പ്രീ-ടെസ്റ്റിലൂടെ കണ്ടെത്തിയ അക്ഷരങ്ങളും ചിഹ്നങ്ങളും ഉറക്കാത്ത കുട്ടികളെ 52 ദിവസത്തെ പ്രത്യേക ക് ളാസ്സുകളിലൂടെ മറ്റുകുട്ടികൾക്കൊപ്പം എത്തിക്കുകയാണ് പരിപാടിയുടെ ലക്ഷ്യം. 

പരിസ്ഥിതി ദിനം മുതൽ ചാന്ദ്രദിനം വരെ..

*പരിസ്ഥിതി ദിനം                                                                                                                 *വായനാദിനം                                                                                                                       *ബഷീർ ചരമദിനം                                                                                                                 *ജനസംഖ്യാദിനം                                                                                                                   *പുകയിലവിരുദ്ധദിനം                                                                                                           *ചാന്ദ്രദിനം                                                                                                                                                                                                                                                          .    ...........സ്കൂൾ തുറന്ന ദിവസം മുതൽ ഇന്നുവരെ നോക്കിയാൽ ഇതുപോലുള്ള ഒരുപാടുദിനങ്ങൾ  പല സ്കൂളുകളിലും ആചരിച്ചതായിക്കാണാം.ചില ദിനങ്ങൾ ആചരിക്കുന്നതുസംബന്ധിച്ച് വിദ്യാഭ്യാസ വകുപ്പുതന്നെ ഔദ്യോഗികമായി നിർദേശങ്ങൾ നൽകുമ്പോൾ മറ്റുള്ളവ ഓരോ വിദ്യാലയത്തിന്റെയും താൽ‌പ്പര്യമനുസരിച്ച് പ്രവർത്തനകലണ്ടറിൽ ഇടം പിടിക്കുന്നവയാണ്..ദിനാചരണങ്ങൾ കേവലം ചടങ്ങുകളായി  മാറാതെ കുട്ടികളുടെ പഠനപ്രവർത്തനങ്ങളുടെ ഭാഗമാക്കി മാറ്റാനുള്ള ശ്രമങ്ങൾ മിക്ക വിദ്യാലയങ്ങളിലും ഇന്നു നടക്കുന്നുണ്ട്..വിദ്യാലയങ്ങളിൽ നടക്കുന്ന ഇത്തരം പർപാടികൾ വിദ്യാലയമികവിന്റെ സൂചകങ്ങളായി പൊതുസമൂഹം നോക്കിക്കാണാൻ തുടങ്ങിയിരിക്കുന്നു എന്നതും വസ്തുതയാണ്..പാഠപുസ്തകങ്ങളിൽ നിന്നുമാത്രം കിട്ടുന്ന അറിവിനപ്പുറം ഒരുപാടൊരുപാട് കാര്യങ്ങൾ മനസ്സിലാക്കാനും അറിവിന്റെ ചക്രവാളം വികസിപ്പിക്കാനും ഇത്തരം ദിനാചരണങ്ങൾ കുരുന്നുകളെ ഏറെ സഹായിക്കുന്നു.                                                                          .......വിദ്യാലയത്തിൽ പൊതുവായി സംഘടിപ്പിക്കുന്ന പരിപാടികൾക്കൊപ്പം ഓരോ ക് ളാസ്സിന്റെയും നിലവാരത്തിനനുസരിച്ചുള്ള പരിപാടികൾ           പഠനപ്രവർത്തനങ്ങളുടെ ഭാഗമായി     ക്ളാസ്സ് മുറികളിൽക്കൂടി നടക്കുമ്പോഴല്ലേ ദിനാചരണങ്ങൾ ശരിക്കും അർഥപൂർണ്ണമാകുന്നത്?                                                                                    .......പരിസ്ഥിതിദിനം,വായനാദിനം,ചാന്ദ്രദിനം-ഇവയാണ് വിപുലമായ രീതിയിൽ ഈ വർഷം ഞങ്ങളുടെ വിദ്യാലയത്തിൽ ആചരിച്ചത്..    ബഷീർ       ചരമദിനം,പുകയിലവിരുദ്ധദിനം,ജനസംഖ്യാദിനം തുടങ്ങിയവയെക്കുരിച്ച് അസംബ് ളിയിൽ വിശദീകരിക്കുകയും പ്രധാന കാര്യങ്ങൾ പ്രദർശനബോർഡിൽ വെക്കുകയും ചെയ്തു..ഒപ്പം ക് ളാസ്സുകളിൽ ചർച്ചയും നടന്നു...                                                                                                                ദിനാചരണങ്ങളുടെ നേർക്കാഴ്ചകലിലേക്ക്.......

‘ഉയരട്ടെ നിങ്ങൾതൻ ശബ്ദം....കടൽനിരപ്പുയരാതിരിക്കാൻ’

“കാത്തിടാം കാടിനെ,മണ്ണിനെ,വിണ്ണിനെ......കടൽനിരപ്പുയരാതിരിക്കാൻ”

നാടിന്റെ ഉത്സവമായി പ്രവേശനോത്സവം...

അറിവിന്റെ ആദ്യാക്ഷരം നുകരാൻ അക്ഷരമുറ്റത്തെത്തിയ കുരുന്നുകളെ കടലാസ് തൊപ്പിയും,ബാഡ്ജും അണിയിച്ചും വർണബലൂണുകളും അക്ഷരത്തോണികളും നൽകി മുതിർന്ന കുട്ടികൾ സ്വീകരിച്ചപ്പോൾ ആദ്യം അമ്പരന്നുവെങ്കിലും കുരുന്നുകൾക്ക് അതിരറ്റ ആഹ്ളാദം.. പുഞ്ചാവി ഗവ:എൽ.പി.സ്കൂളിൽ നടന്ന പ്രവേശനോത്സവം മുനിസിപ്പൽ കൌൺസിലർ നജ്മ റാഫി ഉൽഘാടനം ചെയ്തു.പി.ടി.എ പ്രസിഡണ്ട് പി.ശശി അധ്യക്ഷത വഹിച്ചു.കെ.ദാമോദരൻ,കുഞ്ഞിക്യ് ഷ്ണൻ ,നസീമ.എം.പി,എന്നിവർ സംസാരിച്ചു. ഒന്നാം ക്ളാസ്സിലേക്ക് പ്രവേശനം നേടിയ 30 കുട്ടികൾക്ക് വിദ്യാലയ വികസന സമിതിയും,പി.ടി.എ യും,അധ്യാപകരും ചേർന്ന് സ്കൂൾ ബാഗും,യൂണിഫോമും,പഠനോപകരണങ്ങളും സൌജന്യമായി നൽകി. പ്രധാനാധ്യാപകൻ കെ.നാരായണൻ ലക്ഷ്യപ്രഖ്യാപനം നടത്തി.പരമേശ്വരി ടീച്ചർ സ്വാഗതവും, കെ.എൻ.സുരേഷ് നന്ദിയും പറഞ്ഞു.അധ്യാപകരായ അമീൻ,പ്രമീള തുടങ്ങിയവർ നെത്യ് ത്വം നൽകി.

വിദ്യാലയവികസനസ്വപ്നങ്ങൾ യാഥാർഥ്യമാക്കാൻ കർമ്മപരിപാടികളുമായി....

  നവതിയോടടുക്കുന്ന പുഞ്ചാവി ഗവ:എൽ.പി.സ്കൂളിന്റെ വികസനസ്വപ്നങ്ങൾ സാക്ഷാൽക്കരിക്കാൻ സഹായവാഗ്ദാനങ്ങളുമായി പൂർവവിദ്യാർഥികളും രക്ഷിതാക്കളും നാട്ടുകാരും രംഗത്തെത്തിയപ്പോൾ,ഈ ആവേശം നിലനിർത്താനായാൽ  ലക്ഷ്യമിട്ട കാര്യങ്ങൾ ഉദ്ദേശിച്ചസമയത്തിനു മുമ്പുതന്നെ പൂർത്തിയകുമെന്ന ആത്മവിശ്വാസം സ്ഫുരിക്കുന്ന വാക്കുകളുമായി കാഞ്ഞങ്ങാട് എം.എൽ.എ  ഇ.ചന്ദ്രശേഖരൻ എത്തിയത് ഇതിനുപിന്നിൽ പ്രവർത്തിച്ചവർക്ക് ആവേശം പകർന്നു.എൺപതുവർഷത്തിലധികം കാലം വാടകക്കെടട്ടിടത്തിൽ പ്രവർത്തിച്ച ഈ കടലോരവിദ്യാലയത്തിനു സ്വന്തമായി കെട്ടിടം പണിതിട്ട് ആറുവർഷമേ ആയിട്ടുള്ളൂ..കെട്ടിടം നിൽക്കുന്ന 12 1/4 സെന്റു സ്ഥലമല്ലാതെ ഒരിഞ്ചു സ്ഥലം പോലും സ്വന്തമായി ഇല്ല എന്നത് വിദ്യാലയവികസനത്തിനു തടസ്സമായി ഇപ്പോഴും നിൽക്കുന്നു.വിദ്യാലയത്തിനു ചുറ്റുമുള്ള സ്വകാര്യവ്യക്തിയുടെ സ്ഥലത്ത് മഴക്കാലത്ത് വെള്ളം കെട്ടിക്കിടക്കുന്നതിനാൽ കുട്ടികളെ ഈ വിദ്യാലയത്തിലേക്കയയ്ക്കാൻ രക്ഷിതാക്കൾ മടിച്ചതോടെ കുട്ടികളുടെ എണ്ണം വർഷം കഴിയുതോറും കുറയുന്ന അവസ്ഥയുമായി.ഈ സാഹചര്യം മുതലെടുത്തുകൊണ്ട് സമീപത്തുള്ള സ്വകാര്യ-അൺ അയിഡഡ് വിദ്യാലയങ്ങൾ വാഹനങ്ങളുമായി എത്തിയതോടെ വിദ്യാർഥികൾ കൂട്ടത്തോടെ അവിടങ്ങളിലേക്ക് പോകുന്ന അവസ്ഥയുമായി.ഈ സ്ഥിതി തുടർന്നാൽ വിദ്യാലയം അടച്ചുപൂട്ടുന്ന അവസ്ഥ ഉണ്ടാകുമെന്ന് തിരിച്ചറിഞ്ഞ നാട്ടുകാർ വിദ്യാലയവികസനസമിതി രൂപീകരിച്ച് വിദ്യാലയസംരക്ഷണപ്രവർത്തനങ്ങൾ ഊർജിതമാക്കി.കാഞ്ഞങ്ങാട് നഗരസഭയുടെ ബഡ്ജറ്റിൽ തുക നീക്കിവെച്ചുകൊണ്ട് 30 സെന്റ് സ്ഥലം വിലകൊടുത്തു വാങ്ങുന്നതിനുള്ള പ്രവർത്തനങ്ങൾ ഉടൻ തന്നെ ലക്ഷ്യം കാണുമെന്ന പ്രതീക്ഷയിലാണു നാട്ടുകാർ.സ്ഥലമുടമയുടെ സമ്മതപത്രം ഉൾപ്പെടെ ആവശ്യമായ മുഴുവൻ രേഖകളും ഇതിനകം മുനിസിപ്പാലിറ്റിയിൽ സമർപ്പിച്ചുകഴിഞ്ഞു.അടുത്ത  നഗരസഭാ കൌൺസിൽ യോഗത്തിൽ തീരുമാനമെടുത്തുകൊണ്ട് സർക്കാർ അനുമതിയോടെ ഈ സാമ്പത്തികവർഷംതന്നെ സ്ഥലമെടുപ്പ് നടപടികൾ പൂർത്തീകരിക്കാൻ ശ്രമിക്കുമെന്ന് നഗരസഭാ ചെയർപേഴ്സൺ ഹസീന താജുദ്ദീൻ വിദ്യാലയവികസനസമിതി ഭാരവാഹികൾക്ക് ഉറപ്പുനൽകി. എം.എൽ.എ ഫണ്ടിൽ നിന്ന് ബസ് വാങ്ങാൻ അനുവദിച്ച 5 ലക്ഷം രൂപ ഉപയോഗിച്ച് സ്കൂൾ ബസ് വാങ്ങുന്നതോടെ ‘പുഞ്ചാവിയിലെ മുഴുവൻ കുട്ടികളും പുഞ്ചാവി സ്കൂളിൽ’ എന്ന ലക്ഷ്യം  നിറവേറ്റാൻ കഴിയും എന്ന് വികസനസമിതി അംഗങ്ങൾക്ക് ഉറച്ച വിശ്വാസം ഉണ്ട്. അധികാരികളിൽ നിന്നു കിട്ടുന്ന സഹായങ്ങൾക്കപ്പുറം വികസനപ്രവർത്തനങ്ങൾ ത്വരിതപ്പെടുത്തുന്നതിനായി 10 ലക്ഷം രൂപയുടെ വിദ്യാലയവികസനനിധി  സംഭാവനയായി  സ്വരൂപിക്കാനുള്ള പ്രവർത്തനത്തിനു നല്ല പ്രതികരണമാണു നാട്ടുകാരിൽ നിന്നും  ലഭിച്ചുകൊണ്ടിരിക്കുന്നത്. പൂർവ വിദ്യാർഥിയായ കമലാക്ഷൻ പുഞ്ചാവിയിൽ നിന്നും ആദ്യസംഭാവന സ്വീകരിച്ചുകൊണ്ട് സാമ്പത്തിക സമാഹരണത്തിന്റെ ഉൽഘാടനം ഇ.ചന്ദ്രശേഖരൻ എം.എൽ.എ നിർവഹിച്ചു.കാഞ്ഞങ്ങാട് നഗരസഭാ വിദ്യാഭ്യാസ സ്റ്റാന്റിങ് കമ്മറ്റി ചെയർ പേഴ്സൻ സി.ജാനകിക്കുട്ടി ചടങ്ങിൽ അധ്യക്ഷത വഹിച്ചു.ഇതേ വേദിയിൽ വെച്ച് രക്ഷിതാക്കളിൽ നിന്നുള്ള സംഭാവനയുടെ ആദ്യവിഹിതം മുൻ.എം.പി.ടി.എ പ്രസിഡന്റ് സുജയും പൊതുജനങ്ങളിൽ നിന്നുള്ള  ആദ്യസംഭാവന  ഡോ:ബാബുവിനുവെണ്ടി ഭാര്യ ധന്യയും എം.എൽ.എ യ്ക്കു കൈമാറി. വിദ്യാലയ വികസനപദ്ധതിയുടെ രൂപരേഖയും ഇതുവരെ നടന്ന പ്രവർത്തനങ്ങളുടെ റിപ്പോർട്ടും പ്രധാനാധ്യാപകൻ കെ.നാരായണൻ അവതരിപ്പിച്ചു.നഗര സഭാ കൌൺസിലർമാരായ മോഹനൻ പി.വി, പ്രദീപൻ മരക്കാപ്പ്,വികസനസമിതി വൈസ് ചെയർമാൻ കുഞ്ഞിക്യ് ഷ്ണൻ എന്നിവർ ആശംസകൾ അർപ്പിച്ച് സംസാരിച്ചു.വാർഡ് കൌൻസിലറും വിദ്യാലയവികസനസമിതി ചെയർപേഴ്സനുമായ നജ്മ റാഫി സ്വാഗതവും, കെ.എൻ.സുരേഷ്മാഷ് നന്ദിയും പറഞ്ഞു.